اے پی :ٹرین میں آگ،کئی ٹرینیں روک دی گئی

حیدرآباد: اے پی کے انکاپلی میں ٹرین میں آگ لگنے کے واقعہ کے پیش نظر وشاکھاپٹنم۔وجئے واڑہ روٹ پر ٹرینوں کا نظام درہم برہم ہو گیا ہے۔

ایلامنچلی اسٹیشن پر کئی ٹرینیں روک دی گئی ہیں اور وہاں سے عام ٹکٹوں کی اجرائی فی الحال بند کردی گئی۔

ریلوے حکام نے وجئے واڑہ کی طرف جانے والے عام مسافروں کو متبادل ذرائع استعمال کرنے کا مشورہ دیا ہے جبکہ صرف ریزرویشن والے مسافروں کو ہی اسٹیشن سے سفر کی اجازت دی جا رہی ہے۔

متاثرہ مسافروں کو ان کی منزل تک پہنچانے کے لئے ریلوے انتظامیہ کی جانب سے متبادل انتظامات کئے گئے ہیں۔ جلی ہوئی بوگیوں کو ٹرین سے الگ کر کے نئی بوگیاں جوڑنے کا کام جاری ہے تاکہ ٹریفک کو جلد از جلد بحال کیا جا سکے۔