اے پی:بیوی کی آنکھوں کے سامنے شوہر کا بڑی ہی بے دردی سے قتل

حیدرآباد: بیوی کی آنکھوں کے سامنے شوہر کا بڑی ہی بے دردی سے قتل کردیاگیا۔یہ واردات آندھراپردیش کے ضلع نیلور میں پیش آئی۔

تفصیلات کے مطابق ضلع کے رام چندر پورم میں پرساد نامی شخص اپنی بیوی کے ساتھ رہاکرتا تھا تاہم کل شب نامعلوم افراد اس کے گھر میں داخل ہوئے اور اس کی بیوی کے منہ میں کپڑا ٹھونسے کے بعد اس کی آنکھوں کے سامنے شوہر کا بڑی ہی بے دردی سے قتل کردیا۔

اطلاع ملتے ہی پولیس نے موقع پر پہنچ کر تفصیلات حاصل کیں اور لاش کو پوسٹ مارٹم کے لئے بھیج دیا۔

مقتول کے جسم پر چاقو کے 25 سے زائد ضربات پائے گئے۔پولیس کی سراغ رساں ٹیم اور ڈاگ سکواڈ کی ٹیم نے شواہد اکٹھے کئے۔

پولیس کو شبہ ہے کہ قتل پرانی مخاصمت کی وجہ سے ہوا۔پولیس نے اس سلسلہ میں ایک معاملہ درج کرکے جانچ شروع کردی۔