اے پی: خاتون کو ہلاک کرنے والا تیندوا پکڑا گیا

حیدرآباد: محکمہ جنگلات کے عہدیداروں نے آندھراپردیش کے ضلع نندیال کے قریب پاچرلہ علاقہ میں ایک تیندوے کو پکڑنے میں کامیابی حاصل کی۔

اس تیندوے نے ایک خاتون کو ہلاک کردیاتھا اوردوسری خاتون کو زخمی کردیاتھا۔

اس تیندوے کی موجودگی سے مقامی افراد میں خوف دیکھاجارہا تھا جو راتوں کو اپنے گھروں سے نکلنے میں ڈرمحسوس کررہے تھے۔

ان مقامی افراد نے اس بات کی شکایت محکمہ جنگلات کے عہدیداروں سے کی جنہوں نے اس کو پکڑنے کے لئے اقدامات کئے۔

ان عہدیداروں نے پنجرہ لگاتے ہوئے اس کوپکڑنے میں کامیابی حاصل کرلی۔اس واقعہ کے ایک دن بعد مہانندی مندر کے قریب ایک اور تیندوا سی سی ٹی وی کیمرہ میں قید ہوگیا۔

اس تیندوے سے بھی عوام میں خوف پایاجاتا ہے۔