آندھراپردیش
اے پی: آئیل ٹینکر الٹ کر شعلہ پوش ہوگیا
آندھراپردیش کے ضلع ایلورو میں آئیل ٹینکر الٹ گیا جس کے ساتھ ہی اس میں آگ لگ گئی۔یہ واقعہ ضلع کے مرزاپور میں پیش آیا۔
حیدرآباد: آندھراپردیش کے ضلع ایلورو میں آئیل ٹینکر الٹ گیا جس کے ساتھ ہی اس میں آگ لگ گئی۔یہ واقعہ ضلع کے مرزاپور میں پیش آیا۔
حادثہ کے مقام کے قریب ہی پٹرول پمپ ہونے کی وجہ سے مقامی افراد خوفزدہ ہوگئے کیونکہ انہیں خدشہ تھا کہ آگ پٹرول پمپ کو اپنی لپیٹ میں نہ لے لے تاہم پٹرول پمپ کے قریب واقع ٹائر شاپ کو اس آگ نے اپنی لپیٹ میں لے لیا جس کے سبب بڑے پیمانہ پر آگ کے شعلے نظرآئے۔
کل شب پیش آئے اس واقعہ میں کسی کے جھلسنے یا پھر کسی کی موت کی کوئی اطلاع نہیں ملی ہے۔اس واقعہ کے سبب نزواڑ۔
ہنومان جنکشن کی شاہراہ پر بڑے پیمانہ پر ٹریفک جام کی صورتحال پیدا ہوگئی۔اس واقعہ کی اطلاع کے ساتھ ہی فائربریگیڈ کے عملہ نے وہاں پہنچ کر کافی جدوجہد کے بعد آگ پر قابو پایا۔
ہمیں فالو کریں
