اے پی: کاکناڈا ضلع میں سڑک حادثہ۔ 5 افراد ہلاک: ویڈیو

حیدرآباد: آندھراپردیش کے کاکناڈا ضلع میں پیش آئے سڑک حادثہ میں 5افرادہلاک ہوگئے۔

یہ حادثہ ضلع کے کلپناسنٹرکے قریب کل شب اُس وقت پیش آیا جب حالت نشہ میں کارچلانے والے نے اس کا توازن کھودیا اور یہ کارالٹ گئی۔

اس خطرناک حادثہ میں کار میں سوارتمام افرادہلاک ہوگئے۔حادثہ کا مقام دلخراش منظر پیش کررہاتھا۔حادثہ میں کار کو شدید نقصان پہنچا۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اور ایک معاملہ درج کرکے جانچ شروع کردی۔