اے پی: بائیکس پر کرتب بازی۔6نوجوانوں کے خلاف معاملہ درج

حیدرآباد: آندھراپردیش کے ستیہ سائی ضلع کے ہندوپورم میں نوجوانوں نے بائیکس پر کرتب بازی کی۔

انہوں نے سڑک پر ان اسٹنٹس کے ذریعہ راہگیروں اور سڑک سے گذرنے والی دیگر گاڑیوں کے سواروں کوخوفزدہ کردیا۔

ان کی کرتب بازی کے ویڈیوز سوشیل میڈیا پر وائرل ہوگئے۔اس ویڈیو کے وائرل ہونے کے بعد پولیس نے ایسے 6نوجوانوں کے خلاف معاملہ درج کرلیاہے۔

پولیس ان کی بائیکس کے نمبرپلیٹس کی بنیاد پر ان کی شناخت کی کوشش کررہی ہے۔یہ نوجوان بائیکس چلانے کے دوران ہیلمٹ بھی نہیں لگائے ہوئے ہیں۔