اے پی:نہانے کے دوران تالاب میں تین لڑکے غرق

حیدرآباد: نہانے کے دوران تالاب میں تین لڑکے غرق ہوگئے۔یہ واقعہ آندھراپردیش کے تروپتی پاکال علاقہ میں پیش آیا۔

ضلع کے اوٹاونکاگاوں سے تعلق رکھنے والے یہ تینوں جن کی شناخت پنیت، کنیا اور تیجاشری کے طورپر کی گئی ہے،نہانے کیلئے تالاب گئے تھے جہاں وہ غرق ہوگئے۔

اس واقعہ کی اطلاع پر پولیس وہاں پہنچی جس نے ان کی لاشوں کو ماہر غوطہ خوروں کی مدد سے باہر نکالنے میں کامیابی حاصل کی۔بعد ازاں ان لاشوں کو پوسٹ مارٹم کے لئے بھیج دیاگیا۔