اے پی ایس آرٹی سی نے نئی بسیں متعارف کروانے کا اعلان کیا

حیدرآباد: آندھراپردیش اسٹیٹ روڈ ٹرانسپورٹ کارپوریشن (اے پی ایس آر ٹی سی) نے ریاست میں 2,500 نئی بسیں متعارف کروانے کا اعلان کیا ہے۔

ان نئی بسوں کی شمولیت سے خاص طور پر خواتین کے لیے مفت بس اسکیم کو بہتر طریقہ سے نافذ کرنے میں مدد ملے گی کیونکہ فی الحال بسوں میں زائد ہجوم کی وجہ سے مسافروں کو کافی پریشانی کا سامنا کرنا پڑ رہا ہے۔

تفصیلات کے مطابق، ان 2,500 بسوں میں مرکزی حکومت کی پی ایم ای بس اسکیم کے تحت ملنے والی 1,050 الکٹرک بسیں شامل ہیں۔ اس کے علاوہ، ریاستی حکومت مزید 1,450 الکٹرک اور سی این جی بسیں خریدے گی۔

حکام کا کہنا ہے کہ اس سال کے آخر تک یہ تمام بسیں سڑکوں پر آ جائیں گی جس سے نہ صرف بسوں کی کمی دور ہوگی بلکہ پرانی اور خستہ حال بسوں کو بھی تبدیل کیا جا سکے گا۔

اس اقدام سے مفت سفر کرنے والی خواتین کے ساتھ ساتھ دیگر مسافروں کو بھی آرام دہ سفر کی سہولت میسر آئے گی اور بسوں میں سیٹوں کے لئے ہونے والے جھگڑوں میں کمی آئے گی۔