حیدرآباد کے شمس آباد ایئرپورٹ پر انڈیگو کے69 طیاروں کی آمدوروانگی منسوخ،طیاروں کو بم سے اڑانے کی دھمکیاں
کویت سے شمس آباد ایرپورٹ آنے والی کویتی ایئر ویز کے طیارہ(KU-373) کو بم کی دھمکی کا ای میل موصول ہوا۔ دھمکی ملنے کے فوراً بعد پرواز کا رخ مسقط ایرپورٹ کی طرف موڑ دیا گیا۔
حیدرآباد: حیدرآباد کے شمس آباد ایئرپورٹ پر انڈیگو ایئرلائنس کے حکام نے آج اہم کارروائی کرتے ہوئے مجموعی طور پر 69 پروازیں منسوخ کر دی ہیں۔
ایئرلائن حکام نے اعلان کیا کہ شمس آباد ایئرپورٹ پر آنے والی 26 پروازیں اور شمس آباد ایئرپورٹ سے مختلف ریاستوں کو جانے والے 43 طیاروں کومنسوخ کیاگیاہے۔
دریں اثنا، شمس آباد ایرپورٹ پر آنے والے مزید دو بین الاقوامی طیاروں کو بم کی دھمکی والے ای میل موصول ہوئے ہیں۔
کویت سے شمس آباد ایرپورٹ آنے والی کویتی ایئر ویز کے طیارہ(KU-373) کو بم کی دھمکی کا ای میل موصول ہوا۔ دھمکی ملنے کے فوراً بعد پرواز کا رخ مسقط ایرپورٹ کی طرف موڑ دیا گیا۔
لندن سے شمس آباد ایرپورٹ آنے والی برٹش ایئرویزکے طیارہ (BA-277) کو بھی بم کی دھمکی کا ای میل موصول ہوا۔
دھمکی آمیز ای میل ملنے کے باوجود، پائلٹ نے طیارہ کو شمس آباد ایرپورٹ پر بحفاظت لینڈ کروایا۔ مسافروں کو طیارہ سے اتار کر انہیں احتیاطی طور پر علیحدہ جگہ پر منتقل کر دیا گیا ہے۔ بم اسکواڈ کی ٹیموں کو موقع پر بلا لیا گیا ہے اور طیارہ کی تلاشی کا عمل شروع کر دیا گیا ہے۔
