بابا صاحب امبیڈکر کی برسی، گورنر تلنگانہ کا خراج

حیدرآباد: گورنر تلنگانہ ڈاکٹرتمیلی سائی سوندراراجن نے دستورہند کے معمار ڈاکٹر بابا صاحب امبیڈکر کو ان کی برسی پر خراج عقیدت پیش کیا۔انہوں نے حیدرآباد میں تلگو تلی فلائی اوور کے قریب ڈاکٹر بابا صاحب امبیڈکر کے مجسمہ پر پھول نچھاور کئے اوران کی خدمات کو خراج عقیدت پیش کیا۔

تمام سرکاری دفاتر، سیاسی پارٹیوں کے دفاتر میں بھی ا مبیڈکر کو خراج پیش کیاگیا۔ قانون ساز اسمبلی کے احاطہ میں امبیڈکر کے مجسمہ پر پھول نچھاور کرتے ہوئے ان کی خدمات کو شاندار خراج عقیدت پیش کیا گیا۔ ان کو خراج عقیدت پیش کرنے والوں میں قانون ساز کونسل کے کئی اراکین اور اعلیٰ حکام بھی شامل تھے۔

 تلنگانہ کانگریس کے دفتر گاندھی بھون میں منعقدہ ایک پروگرام میں پی سی سی کے سابق صدر وی ہنمنت راؤ نے مبیڈکرکی تصویر پر پھول نچھاور کئے۔