برڈفلو،حکام تیاریوں کو یقینی بنائے۔تلنگانہ حکومت کا سرکلر

حیدرآباد: تلنگانہ حکومت نے برڈفلو کے پیش نظر ترجیحی سرکلر میں کہا ہے کہ حکام ہائی الرٹ پر رہیں اور ایویئن انفلوئنزا کو روکنے کے لئے مناسب تیاری کو یقینی بنائیں کیونکہ دیگر ریاستوں میں ایچ پی اے آئی کی اطلاع ملی ہے۔

دیگر ریاستوں میں رپورٹ ہونے والے ایچ پی اے آئی کے بارے میں مطلع کرنے کے لئے ریاست کے ضلع کلکٹروں کی توجہ طلب کرتے ہوئے، حکومت کے اسپیشل چیف سکریٹری، سبیاساچی گھوش نے سرکلر میں کہا کہ مرکزی حکومت نے ریاستوں سے پولٹری کے تحفظ کے لئے اس ایچ پی اے آئی کے پھیلاؤ کو روکنے کے لئے بائیو سیکورٹی اقدامات کو مستحکم کرنے کی درخواست کی ہے۔

انہوں نے ضلع کلکٹرس سے کہا کہ وہ پولٹری فارمرس، فریقین اور عوام میں ایچ پی اے آئی کی روک تھام اور بائیو سیکورٹی اقدامات کے اہم کردار کے علاوہ بیمار مرغیوں کی نقل و حمل کو روکنے اور مردہ مرغیوں کو مناسب طریقہ سے تلف کرنے کے بارے میں بیداری پیدا کریں۔

مرغیوں کی کسی بھی غیر معمولی موت کی اطلاع محکمہ وٹرنری اور افزائش مویشیاں کے عملے کے علم میں لانے کے لئے انہیں مطلع کیا جائے۔