دہلی کے اسکولوں کو بم سے اڑانے کی دھمکی سے افرا تفری

نئی دہلی: دارالحکومت دہلی میں پیر کی صبح دو اسکولوں کو بم سے اڑانے کی دھمکی سے کئی گھنٹے تک افراتفری کا ماحول رہا۔

پولیس ذرائع نے بتایا کہ یہ دھمکیاں پچھم وہار کے جی ڈی گوینکا اسکول میں صبح تقریبا 6 بج کر 15 منٹ پر اور آر کے پورم کے ڈی پی ایس اسکول میں صبح 7.05 بجے فون پر دی گئیں۔

انہوں نے کہا کہ اطلاع ملتے ہی مقامی پولیس فوری طور پر موقع پر پہنچ گئی اور تحقیقات شروع کر دیں۔

پولیس کے علاوہ فائر بریگیڈ کی گاڑیوں کے ساتھ دہلی فائر ڈپارٹمنٹ کے اہلکار بھی موقع پر پہنچ گئے۔

بم کی دھمکی کے بعد کی گئی تحقیقات میں کوئی مشتبہ چیز نہیں ملی تاہم احتیاطاً اسکولوں میں چھٹی کردی گئی ہے۔

پولیس کا کہنا ہے کہ معاملے کی تفتیش کی جا رہی ہے۔