بونال فیسٹیول، دوستوں میں جھگڑا، چاقوزنی میں تین نوجوان زخمی

حیدرآباد: بونال فیسٹیول کے موقع پر دوستوں کے درمیان جھگڑے کے واقعہ میں تین افرادزخمی ہوگئے۔

تفصیلات کے مطابق تارناکہ میں بونال کے موقع پر دوستوں میں معمولی بحث وتکرار نے جھگڑے کی شکل اختیار کرلی جس کے بعد دوستوں کے دوگروپس آپس میں متصادم ہوگئے اورایک دوسرے پر چاقووں سے حملہ کردیا۔

اس حملہ میں تین نوجوان زخمی ہوگئے۔ان کو علاج کے لئے گاندھی اسپتال منتقل کردیاگیا۔

ایک زخمی کی حالت تشویشناک بتائی جاتی ہے۔عثمانیہ یونیورسٹی پولیس نے اس سلسلہ میں ایک معاملہ درج کرکے جانچ شروع کردی۔

پولیس نے اس واقعہ کے بعد کشیدگی کو روکنے کے لئے بڑے پیمانہ پر بندوبست کیا تھا۔