تلنگانہ کے نلگنڈہ ضلع میں سڑک حادثہ میں بس ڈرائیور زخمی
حادثہ کے نتیجہ میں بس ڈرائیور بس کے کیبن میں پھنس گیا۔اس حادثہ کے ساتھ ہی مقامی افراد اور راہگیربڑے پیمانہ پرجائے حادثہ پہنچے اور زخمی ڈرائیور کوکافی جدوجہد کے بعد کیبن سے نکالنے میں کامیابی حاصل کی۔
حیدرآباد: تلنگانہ کے نلگنڈہ ضلع میں پیش آئے سڑک حادثہ میں بس ڈرائیور زخمی ہوگیا۔یہ حادثہ ضلع کے شیٹاپالم جنکشن کے قریب اُس وقت پیش آیا جب تیزرفتار لاری کے ڈرائیور نے اس کاتوازن کھودیا اوریہ لاری اسکول بس سے ٹکراگئی۔
حادثہ کے نتیجہ میں بس ڈرائیور بس کے کیبن میں پھنس گیا۔اس حادثہ کے ساتھ ہی مقامی افراد اور راہگیربڑے پیمانہ پرجائے حادثہ پہنچے اور زخمی ڈرائیور کوکافی جدوجہد کے بعد کیبن سے نکالنے میں کامیابی حاصل کی۔
بعد ازاں اس کو علاج کے لئے اسپتال منتقل کردیاگیا۔یہ ڈرائیور تقریبا نصف گھنٹہ تک کیبن میں پھنسارہا۔یہ بس شیٹاپالم علاقہ سے بچوں کو بس میں بٹھانے کے لئے جارہی تھی۔
حادثہ کے وقت بس میں بچوں کے نہ ہونے کے سبب کوئی بھی زخمی نہیں ہوا۔
اطلاع ملتے ہی پولیس وہاں پہنچی جس نے حادثہ کا سبب بننے والی گاڑیوں کووہاں سے ہٹاتے ہوئے اس روٹ کو ٹریفک کے لئے بحال کیا۔پولیس نے اس سلسلہ میں ایک معاملہ درج کرکے جانچ شروع کردی۔
