کشمیر میں شبانہ درجہ حرارت میں بہتری سے سردی قدرے کم

سری نگر: وادی کشمیر میں مطلع ابر آلود رہنے کے باعث شبانہ درجہ حرارت میں نمایاں بہتری واقع ہونے سے لوگوں کو ٹھٹھرتی سردیو سے کسی حد تک راحت نصیب ہوئی ہے۔

اطلاعات کے مطابق گریز کی تلیل وادی، زوجیلا پاس،منی مرگ اور بالتل میں تازہ برف باری ہوئی ہے۔

کشمیر ویدر کے مطابق وادی کے بیشتر علاقوں میں کئی روز بعد شبانہ درجہ حرارت نقطہ انجماد سے اوپر ریکارڈ ہوا ہے۔

گرمائی دارلحکومت سری نگر میں کم سے کم درجہ حرارت 2.0 ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی2.9 ڈگری سینٹی گریڈ ریکارڈ ہوا تھا۔

سری نگر میں 28 نومبر کو رواں سیزن کی سرد ترین رات ریکارڈ ہوئی تھی جب شبانہ درجہ حرارت منفی4.5 ڈگری سینٹی گریڈ ریکارڈ ہوا تھا۔

وادی کے مشہور سیاحتی مقامات پہلگام اور گلمرگ میں کم سے کم درجہ حرارت بالترتیب 2.4 ڈگری سینٹی گریڈ اور 1.4 ڈگری سینٹی گریڈ ریکارڈ ہوا ہے۔

سرحدی ضلع کپوارہ میں کم سے کم درجہ حرارت 1.2 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت 0.8 ڈگری سینٹی گریڈ ریکارڈ ہوا ہے۔

جنوبی کشمیر کے پلوامہ،اننت ناگ، شوپیاں اور کولگام اضلاع میں کم سے کم درجہ حرارت بالترتیب منفی2.7 ڈگری سینٹی گریڈ، 0.8 ڈگری سینٹی گریڈ، 0.1 ڈگری سینٹی گریڈ اور 2.1 ڈگری سینٹی گریڈ ریکارڈ ہوا ہے۔

شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب1.4 ڈگری سینٹی گریڈ اور 1.3 ڈگری سینٹی گریڈ ریکارڈ ہوا ہے۔

وسطی کشمیر کے بڈگام اور گاندربل اضلاع میں کم سے کم درجہ حرارت باترتیب 1.2 ڈگری سینٹی گریڈ اور 1.0 ڈگری سینٹی گریڈ ریکارڈ ہوا ہے۔

وادی کے ایک اور سیاحتی مقام سونہ مرگ میں کم سے کم درجہ حرارت 0.4 ڈگری سینٹی گریڈ جبکہ سری نگر ہوئی اڈے میں شبانہ درجہ حرارت0.6 ڈگری سینٹی گریڈ ریکارڈ ہوا ہے۔

لداخ یونین ٹریٹری کے لیہہ اور کرگل اضلاع میں کم سے کم درجہ حرارت بالترتیب منفی 5.0 ڈگری سینٹی گریڈ اور منفی4.6 ڈگری سینٹی گریڈ ریکارڈ ہوا ہے۔