بہار کے موضع میں پاکستانی پرچم لہرانے کی تردید

پٹنہ: بہار کے ضلع پورنیہ میں پاکستانی پرچم لہرانے کی خبروں کے ایک دن بعد مقامی نظم ونسق نے کہا ہے کہ وہ ایک مذہبی پرچم تھا پاکستانی پرچم نہیں۔

ڈی ایس پی (صدر) پورنیہ سریندر کمار سروج نے دعویٰ کیا ہے کہ وہ پاکستانی پرچم نہیں تھا۔

انہوں نے کہا کہ سپاہی ٹولہ نامی موضع میں محمد مبارک الدین نامی شخص کے مکان پر ایک جھنڈا لہرایا گیا۔ ہم نے وہاں سبز رنگ کا مذہبی پرچم پایا۔ ہم پتہ چلارہے ہیں کہ افواہیں کیسے پھیلیں۔