کانگریس نے پولنگ سے پہلے ہی ہار مان لی: اسمرتی ایرانی

امیٹھی (یوپی): مرکزی وزیر اسمرتی ایرانی نے جمعہ کے دن کہا کہ امیٹھی سے گاندھی خاندان کا الیکشن نہ لڑنا بتاتا ہے کہ کانگریس نے پولنگ سے پہلے ہی ہار مان لی۔

امیٹھی کی موجودہ رکن پارلیمنٹ نے میڈیا سے کہا کہ گاندھی خاندان کو اپنی جیت دکھائی دیتی تو اس کا کوئی فرد یہاں سے ضرور الیکشن لڑتا۔

انہوں نے زور دے کر کہا کہ وہ پھر ایک بار اس حلقہ سے جیتیں گی۔ امیٹھی میں رائے دہی 20 مئی کو ہوگی۔ اسمرتی ایرانی نے کہا کہ راہول گاندھی نے وائناڈ حلقہ کواپنا کنبہ قراردیا تھا۔

اب وہ رائے بریلی کے بارے میں کیا کہیں گے؟۔ راہول گاندھی 3میعاد کے لئے امیٹھی سے رکن ِ پارلیمنٹ تھے۔ 2019 میں اسمرتی ایرانی نے انہیں 55 ہزار ووٹوں سے ہرایا تھا۔