کانگریس بجرنگ دل پر پابندی نہیں لگائے گی: ڈگ وجئے سنگھ

بھوپال: مدھیہ پردیش کے سابق وزیر اعلی اور کانگریس کے سینئر لیڈر دگ وجے سنگھ نے آج کہا کہ اگر کانگریس اقتدار میں آتی ہے تو بجرنگ دل پر پابندی نہیں لگائی جائے گی، تاہم ‘غنڈہ عناصر’ کو بخشا نہیں جائے گا۔

صحافیوں سے بات چیت کے دوران مسٹر سنگھ نے کہا کہ کانگریس بجرنگ دل پر پابندی نہیں لگائے گی، بجرنگ دل میں کچھ اچھے لوگ ہوسکتے ہیں، تاہم غنڈہ عناصر کو بخشا نہیں جائے گا۔ سنگھ کے اس بیان سے متعلق ویڈیو بھی سوشل میڈیا پر وائرل ہو رہا ہے۔

کانگریس کے سینئر لیڈر سنگھ کے اس بیان پر طنز کرتے ہوئے بھارتیہ جنتا پارٹی کے ریاستی ترجمان نریندر سلوجا نے کہا کہ سنگھ کو بہت دیر سے یہ بات سمجھ میں آئی ہے کہ بجرنگ دل محبان وطن تنظیم ہے۔

کرناٹک میں کانگریس نے بجرنگ دل پر پابندی لگانے کی جرات کی تھی، لیکن پارٹی کو زبردست عوامی احتجاج کے بعد اپنا فیصلہ واپس لینا پڑا تھا۔