حیدرآباد
حیدرآباد میں انسٹا ریلز کے لیے جوڑے کا خطرناک اسٹنٹ، عوام کا سخت ردعمل
آرام گھر فلائی اوور پر ایک نوجوان تیز رفتاری سے بائیک چلا رہا تھا، جبکہ اس کی گرل فرینڈ بائیک کے اگلے حصہ پر بیٹھ کر غیر مہذب انداز میں حرکتیں کر رہی تھی۔ دونوں اس پوری حرکت کو ویڈیو میں قید کر رہے تھے تاکہ اسے سوشل میڈیا پر پوسٹ کیا جا سکے۔
حیدرآباد: حیدرآباد میں ایک نوجوان نے انسٹاگرام ریلز بنانے کے چکر میں اپنی اور دوسروں کی جان خطرے میں ڈال دی۔
آرام گھر فلائی اوور پر ایک نوجوان تیز رفتاری سے بائیک چلا رہا تھا، جبکہ اس کی گرل فرینڈ بائیک کے اگلے حصہ پر بیٹھ کر غیر مہذب انداز میں حرکتیں کر رہی تھی۔ دونوں اس پوری حرکت کو ویڈیو میں قید کر رہے تھے تاکہ اسے سوشل میڈیا پر پوسٹ کیا جا سکے
راستے سے گزرنے والے دیگر بائیک سواروں نے ان کی اس خطرناک اور فحش حرکت کو دیکھ کر انہیں روکنے کی کوشش کی اور حکام سے ان کے خلاف سخت کارروائی کا مطالبہ کیا ہے۔
شہریوں کا کہنا ہے کہ اس قسم کے غیر ذمہ دارانہ اسٹنٹس نہ صرف غیر اخلاقی ہیں بلکہ سڑکوں پر حادثات کا بھی سبب بن سکتے ہیں۔
ہمیں فالو کریں
