دہلی پولیس نے آئی ایس آئی سے وابستہ جاسوسی کے بڑے نیٹ ورک کا پردہ فاش کیا، 11 افراد گرفتار

نئی دہلی: ایک بڑی کامیابی حاصل کرتے ہوئے، دہلی پولیس کے اسپیشل سیل نے مبینہ طور پر پاکستان کی خفیہ ایجنسی، آئی ایس آئی کے زیرِ انتظام چلنے والے ایک بڑے جاسوسی نیٹ ورک کا پردہ فاش کیا ہے

اور اس ماڈیول سے وابستہ 11 افراد کو گرفتار کر لیا ہے ذرائع نے یو این آئی کو بتایا کہ ملزمان حساس علاقوں کی نگرانی کے لیے متعدد مقامات پر سی سی ٹی وی کیمرے نصب کر رہے تھے، جن میں کٹھوعہ سے لے کر شمالی ہندوستان کے دیگر حصوں تک فوج سے وابستہ تنصیبات بھی شامل ہیں۔

ذرائع کا کہنا ہے کہ "11 افراد کو گرفتار کیا گیا ہے، جبکہ ملک بھر میں 9 مقامات پر نصب کیے گئے کیمرے برآمد ہوئے ہیں۔ قابلِ ذکر بات یہ ہے کہ اسی طرح کے ایک نیٹ ورک کا پہلے غازی آباد میں بھی پردہ فاش کیا گیا تھا۔”

ذرائع نے مزید بتایا کہ یہ ماڈیول دہشت گردانہ نیٹ ورک کے طرز پر کام کر رہا تھا، جس نے سکیورٹی کے حوالے سے شدید خدشات پیدا کر دیے ہیں۔