غریبوں کے مکانات کو مسمار کرنا اچھا عمل نہیں: ڈی ناگیندر

حیدرآباد: خیریت آباد کے رکن اسمبلی دانم ناگیندرا نے اپنے ایک اہم بیان میں دعویٰ کیا کہ غریبوں کے مکانات کو مسمار کرنا اچھا عمل نہیں ہے۔

یہاں اتوار کے روز میڈیا کے نمائندوں سے بات چیت کرتے ہوئے دانم ناگیندرا نے کہاکہ وہ پہلے ہی حائیڈرا حکام کو انتباہ دے چکے ہیں کہ وہ سلم علاقوں میں نہ جائیں اور غریب ا فراد کے گھروں کو منہدم نہ کریں۔

انہوں نے نشاندہی کی ہے کہ جل وہار اور آئی میاکس جیسے ایسے کئی پانی پروفائل علاقہ جات ہیں جہاں ان علاقوں کو آج تک کسی نے چھوا تک نہیں ہے۔

رکن اسمبلی دانم ناگیندر جنہوں نے بی آر ایس ٹکٹ پر الیکشن جیتنے کے بعد حکمراں جماعت کانگریس میں شامل ہوئے ہیں، نے دعویٰ کیا کہ بی آر ایس کے کئی ایم ایل ایز ان کے ربط میں ہیں مگر یہ ایم ایل ایز ضمنی الیکشن سے خوفزدہ ہیں۔

انہوں نے بی جے پی ایم پی ایٹالہ راجندر کو سخت تنقید کا نشانہ بنایا اور الزام عائد کیا کہ حائیڈرا کی انہدامی کارروائی سے توجہ منتشر کرنے کی کوشش کررہے ہیں۔