کیا بنڈی سنجے نے علم نجوم کی تعلیم حاصل کی؟پونم پربھاکر کا سوال

حیدرآباد: لوک سبھا انتخابات کے بعد تلنگانہ کی کانگریس حکومت کے گرجانے سے متعلق بی جے پی کے قومی جنرل سکریٹری ورکن پارلیمنٹ بنڈی سنجے کے ریمارکس پر ردعمل ظاہر کرتے ہوئے وزیرٹرانسپورٹ پونم پربھاکر نے طنز کرتے ہوئے کہا کہ وہ یہ جانتے ہیں کہ بنڈی سنجے انٹرمیڈیٹ میں فیل ہو گئے تھے۔

 لیکن وہ یہ نہیں جانتے کہ انہوں نے علم نجوم کی تعلیم حاصل کی ہے۔پونم پربھاکر نے کہا کہ بنڈی سنجے کا یہ ریمارک نامناسب ہے۔انہوں نے میڈیا سے بات کرتے ہوئے پوچھا کہ بنڈی سنجے یہ بتائیں کہ انہوں نے گذشتہ پانچ برسوں کے دوران کریم نگر کی ترقی کے لئے کیا کیا ہے؟