5 ریاستوں میں انتخابات سیمی فائنل کے مترادف

حیدرآباد: بی جے پی قومی ترجمان ڈاکٹر گرو پرکاش پاسوان نے بی جے پی کو موافق ایس سی‘ ایس ٹی‘ بی سی اور خواتین قرار دیا۔

بی جے پی نے سابق میں صدر جمہوریہ کے عہدے پر دلت شخص رام ناتھ کویند کو نامزد کیا تھا۔ اسی طرح بی جے پی نے ایس ٹی مہیلا دروپدی مرمو کو صدر جمہوریہ  اور او بی سی سے تعلق رکھنے والے غریب خاندان کے فرد نریندر مودی کو ملک کے وزیراعظم کے عہدے پر فائز کیا ہے۔

ڈاکٹر گرو پرکاش پاسوان آج اخباری نمائندوں کو مخاطب کرتے ہوئے کہا کہ ملک کو 15 اگست 1947 کو آزادی ملی تھی‘ کانگریس نے سال 1947 تا 2014 کسی بھی او بی سی قائد کو ملک کے وزیراعظم کے عہدے پر نامزد نہیں کیا۔

انہوں نے کہا کہ ملک کے 5 ریاستوں کے اسمبلی انتخابات کو سیمی فائنل کی طرح دیکھا جارہا ہے۔ جبکہ سال 2024 میں ملک کے پارلیمانی انتخابات فائنل ہوں گے۔

انہوں نے کہا کہ وزیراعظم نریندر مودی کی عوام کی موافق عوام پالیسیوں کے باعث 5 ریاستوں میں بی جے پی اچھا مظاہرہ کرے گی۔

اس طرح بی جے پی سال 2024 کے پارلیمانی انتخابات میں کامیابی حاصل کرے گی۔ انہوں نے کہا کہ بی آر ایس اور کانگریس جو مخالف ایس سی‘ ایس ٹی‘ او بی سی اور خواتین ہے۔ ریاست کے عوام انہیں سبق سکھائیں گے۔