حیدرآباد: گھریلو جھگڑوں سے تنگ آکر ایک کانسٹیبل نے اپنی بیوی اور بچوں کو گولی مارکرہلاک کردیا اور پھر خودکشی کرلی۔
یہ افسوسناک واقعہ آندھراپردیش کے ضلع کڑپہ میں پیش آیا۔تفصیلات کے مطابق کڑپہ کی ایک کوآپریٹو کالونی میں وینکٹیشورلو نامی کانسٹیبل اپنے ارکان خاندان کے ساتھ مقیم تھا۔
وہ کڑپہ کے سکنڈ ٹاؤن پولیس اسٹیشن سے وابستہ تھا۔اس کے بیوی کے ساتھ اکثر جھگڑے ہوا کرتے تھے جس پر تنگ آکر اس نے اپنی بیوی اور بچوں کو گولی مارنے کے بعد خود بھی گولی مارکر خودکشی کرلی۔
اطلاع کے ساتھ ہی پولیس وہاں پہنچ گئی جس نے لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔
ہمیں فالو کریں
