کرناٹک میں وین اور ٹرک کے تصادم میں پانچ افراد ہلاک

کالبرگی: کرناٹک کے کالابوراگی ضلع میں نیلوگی کراس کے قریب جمعہ کی علی الصبح ایک وین کے ایک کھڑے ٹرک سے ٹکرانے سے پانچ افراد ہلاک اور 10 دیگر زخمی ہوگئے۔

پولیس ذرائع کے مطابق حادثہ صبح ساڑھے تین بجے کے قریب پیش آیا۔ تمام مرنے والے باگل کوٹ ضلع کے رہنے والے ہیں۔ زخمیوں کو علاج کے لیے کالبرگی اسپتال لے جایا گیا ہے۔

کالبرگی کے پولیس سپرنٹنڈنٹ اے سری نواسولو نے جائے حادثہ کا دورہ کیا اور ابتدائی تحقیقات کی۔ پولیس نے مقدمہ درج کر لیا ہے اور مزید تفتیش جاری ہے۔