پال گھر ٹائر فیکٹری میں آگ لگنے سے پانچ افراد جھلس گئے

ممبئی: مہاراشٹر کے پال گھر ضلع میں بدھ کی شام ایک ٹائر فیکٹری میں لگنے والی زبردست آگ میں دو بچوں سمیت پانچ افراد شدید زخمی ہو گئے۔

ذرائع کے مطابق وڈاولی گاؤں میں کل شام ایک فیکٹری کا بوائلر پھٹنے سے زبردست آگ لگ گئی۔ اس میں پانچ افراد زخمی ہوئے۔

افسر نے بتایاکہ "واقعہ کے وقت بوائلر کے قریب کام کرنے والا ایک ملازم شدید طور پر زخمی ہوا تھا۔” "دریں اثنا، چار دیگر متاثرین، دو خواتین اور دو بچے، جو بوائلر کے کولنگ ایریا کے قریب نہا رہے تھے، بھی شدید زخمی ہو گئے کیونکہ دھماکے کا اثر نالے کے علاقے تک پھیل گیا۔”

انہوں نے بتایا کہ زخمیوں کو پہلے گنیش پوری کے قریب امباڈی علاقے میں واقع سیدت اسپتال لے جایا گیا، بعد میں چار متاثرین کو تھانے کے اسپتال منتقل کیا گیا۔