حیدرآباد کے پُرانے شہر کے علاقہ گلزار حوض میں عمارت میں خوفناک آگ،پانچ افرادجھلس گئے
زیورات کی دکانوں میں اُس وقت کوئی موجود نہیں تھا، تاہم بالائی منزلوں پر کچھ خاندان رہائش پذیر تھے۔ اطلاع ملنے پر مغل پورہ اور گولی گوڑہ فائر اسٹیشنس سے فائر بریگیڈس فوری طور پر موقع پر پہنچے اور آگ بجھانے کی کارروائی شروع کی۔
حیدرآباد: حیدرآباد کے پُرانے شہر کے علاقہ گلزار حوض میں اتوار کی صبح ایک عمارت میں خوفناک آگ بھڑک اٹھی، جس کے نتیجہ میں پانچ افراد جھلس گئے۔
آگ عمارت کے نچلے حصے میں واقع زیورات کی دکانوں سے شروع ہوئی اور دیکھتے ہی دیکھتے تین منزلہ عمارت کی بالائی منزلوں تک پھیل گئی۔
زیورات کی دکانوں میں اُس وقت کوئی موجود نہیں تھا، تاہم بالائی منزلوں پر کچھ خاندان رہائش پذیر تھے۔ اطلاع ملنے پر مغل پورہ اور گولی گوڑہ فائر اسٹیشنس سے فائر بریگیڈس فوری طور پر موقع پر پہنچے اور آگ بجھانے کی کارروائی شروع کی۔
فائر بریگیڈ کے عہدیداروں نے عمارت میں پھنسے پانچ افراد کو بحفاظت باہر نکالا۔ آگ بجھانے کے دوران ان کو شدید مشکلات کا سامنا کرنا پڑا، کیونکہ عمارت تک پہنچنے کا کوئی مناسب راستہ موجود نہیں تھا، جس کے باعث عہدیداروں کو قریبی عمارتوں پر چڑھ کر آگ بجھانے کی کوشش کرنی پڑی۔
