پرانا شہر حیدرآبادکے کنچن باغ پولیس اسٹیشن کے حدود میں فلیگ مارچ

حیدرآباد: تلنگانہ میں انتخابات کے پیش نظرپولیس چوکس ہوگئی ہے جو مختلف مقامات پر فلیگ مارچ کررہی ہے۔

اسی کے حصہ کے طورپر پرانا شہر حیدرآبادکے کنچن باغ پولیس اسٹیشن کے حدود میں فلیگ مارچ کیاگیا جس میں سٹی آرمڈ پولیس اور کنچن باغ پولیس کے ملازمین نے مشترکہ طورپر حصہ لیا۔

حافظ بابا نگر سی،اے،بی ایچ بلاک میں یہ فلیگ مارچ کیاگیا۔انتخابات میں عوام میں بھروسہ پیداکرنے اور بغیر کسی خوف کے ووٹ کے استعمال کیلئے ان میں بیداری پیداکرنے کیلئے یہ فلیگ مارچ کیاگیا۔

آئندہ دنوں کے دوران مزید فلیگ مارچ دیگر علاقوں میں کئے جائیں گے۔پولیس عہدیداروں نے کہا کہ چونکہ ریاست میں انتخابات کے پیش نظر ضابطہ اخلاق نافذ ہے،اسی کے پیش نظر سیاسی جماعتوں کو پولیس سے حاصل اجازت میں جو شرائط بتائی جارہی ہیں، ان پر عمل کو یقینی بنایاجائے، ساتھ ہی پٹاخے نہ چھوڑے جائیں۔

پولیس نے کہا کہ 100افراد کی اجازت لے کر 200تا300افراد کو ریلی میں شامل کرناانتخابی قواعد کی خلاف ورزی ہے۔پولیس نے کہا کہ انتخابی قواعد پر عمل نہ کرنے پر مقدمات درج کئے جائیں گے۔