فوڈ سیفٹی ونگ کے عہدیداروں نے شہر حیدرآباد کی مختلف مارکٹس کا معائنہ کیا
معائنوں کے دوران فوڈ سیفٹی افسران نے 455 سبزی و پھل فروشوں سے بات چیت کی اور انہیں بنیادی حفظان صحت کے اصولوں، ایف ایس ایس اے آئی رجسٹریشن کی اہمیت، سبزیوں اور پھلوں کی درجہ بندی اور کچرے کو صحیح طریقہ سے تلف کرنے کے بارے میں بیداری فراہم کی۔
حیدرآباد: ہفتہ واری خصوصی مہم کے تحت فوڈ سیفٹی ونگ کے عہدیداروں نے شہرحیدرآباد کی کشائی گوڑہ سبزی منڈی، سرور نگر رعیتو بازار، ونستھلی پورم سبزی و پھل منڈی، مادنا پیٹ منڈی، میر عالم منڈی، اویسی سبزی منڈی، معظم جاہی مارکٹ، مونڈا مارکٹ، صنعت نگر سبزی منڈی، خیریت آباد سبزی منڈی، مہدی پٹنم رعیتو بازار، لنگم پلی مارکٹ، پٹن چیرو زرعی منڈی، جے این ٹی یو رعیتو بازار، شاہ پور نگر فروٹ مارکٹ، بولارم مارکٹ، ملکاجگری فروٹ مارکٹ اور مٹوگوڑہ سبزی منڈی کا معائنہ کیا۔
معائنوں کے دوران فوڈ سیفٹی افسران نے 455 سبزی و پھل فروشوں سے بات چیت کی اور انہیں بنیادی حفظان صحت کے اصولوں، ایف ایس ایس اے آئی رجسٹریشن کی اہمیت، سبزیوں اور پھلوں کی درجہ بندی اور کچرے کو صحیح طریقہ سے تلف کرنے کے بارے میں بیداری فراہم کی۔
سرکاری اعلامیہ کے مطابق، اس موقع پر تاجروں کو ہدایت دی گئی کہ وہ حفظان صحت پر خصوصی توجہ دیں تاکہ عوام کو معیاری اور محفوظ اشیاء فراہم کی جاسکیں۔
