متحدہ آندھراپردیش کے سابق ڈپٹی اسپیکرکے ہریشورریڈی چل بسے

حیدرآباد: تلنگانہ کی حکمران جماعت بی آرایس کے سینئر لیڈرو متحدہ آندھراپردیش کے سابق ڈپٹی اسپیکرکے ہریشورریڈی طویل علالت کے بعد جمعہ کی شب چل بسے۔

انہوں نے چندرابابونائیڈو کے دور حکومت میں متحدہ آندھراپردیش میں ڈپٹی اسپیکر کے طورپر خدمات انجام دی تھیں۔

وزیراعلی تلنگانہ کے چندرشیکھرراو نے ہریشورریڈی کی موت پر ان کو خراج پیش کیا۔

انہوں نے اپنے تعزیتی پیام میں ہریشورکے ساتھ اپنے تعلق کو یاد کیا اور ایک سینئر سیاستداں کے طورپر آنجہانی لیڈر کی عوامی خدمات کو یاد کیاجو پرگی اسمبلی حلقہ سے کئی مرتبہ منتخب ہوئے تھے۔

وزیراعلی نے آنجہانی لیڈرکے فرزند و پرگی کے رکن اسمبلی مہیش ریڈی کے ساتھ ساتھ ان کے دیگر ارکان خاندان سے بھی تعزیت کا اظہار کیا۔