تلنگانہ کانگریس کے سابق رکن اسمبلی کونڈالکشماریڈی چل بسے

حیدرآباد: تلنگانہ کانگریس کے سابق رکن اسمبلی کونڈالکشماریڈی چل بسے۔ان کی عمر84برس تھی۔انہوں نے آج حیدرآباد کے ایک پرائیویٹ اسپتال میں آخری سانس لی۔

انہوں نے حلقہ اسمبلی چیوڑلہ کی اسمبلی میں نمائندگی کی تھی۔وہ اس حلقہ سے 1983میں کانگریس کے ٹکٹ پر منتخب ہوئے تھے۔

لکشما ریڈی نے جوبلی ہلز جرنلسٹس کوآپریٹو ہاؤسنگ سوسائٹی اور پریس کلب آف حیدرآباد کے صدر کے طور پر بھی خدمات انجام دی ہیں۔ وہ کونڈا وینکٹ رنگا ریڈی کے پوتے تھے، جو متحدہ آندھرا پردیش کے نائب وزیراعلی رہ چکے ہیں۔

اپنے سیاسی کیریئر کے دوران انہوں نے آندھرا پردیش کانگریس کمیٹی میں مختلف عہدوں پر خدمات انجام دیں، جن میں ترجمان اور گریوانس سیل کے چیئرمین شامل ہیں۔ لکشما ریڈی آندھرا پردیش اسپورٹس کونسل کے چیئرمین بھی رہ چکے ہیں۔