تلنگانہ بھر میں گاندھی جینتی منائی گئی

حیدرآباد: تلنگانہ بھر میں گاندھی جینتی منائی گئی۔ عام آدمی سے لے کر اہم شخصیات اور سیاسی لیڈروں نے بابائے قوم کوبھرپورخراج پیش کیا اورملک کیلئے ان کی خدمات کو یاد کیا۔

شہرحیدرآباد کے مشہورباپوگھاٹ لنگرحوض میں واقع باپو گھاٹ پر گورنر جشنودیو ورما،ان کی اہلیہ،وزیراعلی ریونت ریڈی، وزیر پونم پربھاکر اورچیف سکریٹری شانتی کماری نے باپو گھاٹ پر پھول نچھاور کئے۔

انہوں نے کہا کہ گاندھی جی کے نظریات پر آج کی نسل کوعمل کرنے کی ضرورت ہے۔ انہوں نے تمام سے خواہش کی کہ وہ گرام سوراج کے خواب کو پورا کرنے میں اپنا رول اداکریں۔