ملاوٹ شدہ ادرک اور لہسن کا پیسٹ بنانے والا گروہ گرفتار

حیدرآباد: ایس او ٹی پولیس نے حیدرآباد کے راجندر نگر میں ملاوٹ شدہ ادرک اور لہسن کا پیسٹ بنانے والے گروہ کو گرفتار کرلیا۔

خطرناک کیمیکل استعمال کرکے ملاوٹ شدہ پیسٹ تیار کرنے کی اطلاع ملنے پر یہ کارروائی کی گئی۔

بتایا گیا ہے کہ یہ انڈسٹری حکومت کی اجازت کے بغیر چلائی جا رہی ہے۔

ایس او ٹی پولیس نے ملزم کے پاس سے بھاری مقدار میں ملاوٹ شدہ ادرک اور لہسن کا پیسٹ ضبط کرکے انہیں عطاپور پولیس کے حوالے کردیا۔

مقامی افراد نے تشویش کااظہار کرتے ہوئے کہاکہ فوڈ سیفٹی اور جی ایچ ایم سی کے عہدیداروں کی جانب سے ایسی سرگرمیوں پر نظرنہ رکھنے کے نتیجہ میں ایسے واقعات پیش آرہے ہیں۔