تلنگانہ کے کریم نگر میں شدید بارش ۔ نشیبی علاقے زیرِ آب

حیدرآباد: گزشتہ شب تلنگانہ کے کریم نگر میں شدید بارش کے نتیجہ میں شہر کی کئی سڑکیں تالابوں میں تبدیل ہو گئیں۔ موسلا دھار بارش کے باعث نشیبی علاقے زیرِ آب آ گئے اور سڑکوں پر گھٹنوں تک پانی جمع ہو گیا۔

بارش اتنی شدید تھی کہ گاڑیوں کی آمد و رفت معطل ہو گئی اور کئی مقامات پر گاڑیاں فیل گئیں ۔

شہریوں نے سوشل میڈیا پر ویڈیوز اور تصاویر شیئر کرتے ہوئے بتایا کہ کئی گھنٹوں تک پانی کی نکاسی ممکن نہ ہو سکی، جس سے لوگ گھروں تک محدود ہو گئے۔

محکمہ موسمیات نے کریم نگر سمیت ریاست کے دیگر اضلاع میں مزید بارش کی پیش گوئی کی ہے۔ انتظامیہ نے شہریوں سے احتیاط برتنے اور نشیبی علاقوں میں نہ جانے کی اپیل کی ہے۔

ریسکیو ٹیمیں الرٹ پر ہیں تاکہ کسی بھی ہنگامی صورتحال میں فوری کارروائی کی جا سکے۔