تلنگانہ میں شدید بارش۔عوام کے درمیان رہنے بی آرایس قائدین کو چندرشیکھر راو کی ہدایت
سیلاب کی تباہ کاریاں عادل آباد، نظام آباد، میدک، ورنگل سے لے کر کھمم تک کئی اضلاع میں دیکھی گئیں جہاں گھروں میں پانی داخل ہوگیا، سڑکیں کٹ گئیں اور ٹرانسپورٹ سروسس مفلوج ہوگئیں، جس سے عوام کو سخت مشکلات کا سامنا ہے۔
حیدرآباد: شدید بارش کی وجہ سے تلنگانہ بھر میں پیدا شدہ سنگین صورتحال پر بی آر ایس صدر اور سابق وزیر اعلیٰ کے چندر شیکھر راؤ نے جمعرات کو شدید تشویش کا اظہار کیا۔
انہوں نے سیلاب متاثرہ اضلاع میں پارٹی قائدین سے بات چیت کرتے ہوئے ہدایت دی کہ عوام کے درمیان موجود رہیں اور راحت سرگرمیوں میں سرگرم حصہ لیں۔
انہوں نے پارٹی کے کارگزارصدر کے ٹی راما راؤ کو بھی ہدایت دی کہ بی آر ایس کارکنوں کو متحرک کرتے ہوئے متاثرین کو فوری امداد فراہم کریں۔
سیلاب کی تباہ کاریاں عادل آباد، نظام آباد، میدک، ورنگل سے لے کر کھمم تک کئی اضلاع میں دیکھی گئیں جہاں گھروں میں پانی داخل ہوگیا، سڑکیں کٹ گئیں اور ٹرانسپورٹ سروسس مفلوج ہوگئیں، جس سے عوام کو سخت مشکلات کا سامنا ہے۔
مواصلاتی اور بجلی کا نظام بھی شدید متاثر ہوا ہے اور عوام پینے کے صاف پانی کے لیے پریشان ہیں۔
چندر شیکھر راؤ نے کہا کہ اس صورتحال سے نمٹنے کے لیے فوری اقدامات کی ضرورت ہے تاکہ قیمتی جانوں کو بچایا جا سکے اور متاثرہ عوام کو درکار امداد فراہم کی جا سکے۔
