جرائم و حادثات

پٹنہ میں ہوٹل کے مالک کا گولی مار کر قتل

اس دوران موٹر سائیکل پر سوار دو مجرم وہاں پہنچے۔

پٹنہ: بہار کے پٹنہ ضلع کے مالسلامی تھانہ علاقے میں مجرموں نے ایک ہوٹل کے مالک کو گولی مار کر ہلاک کر دیا۔

متعلقہ خبریں
روڈی شیٹر ایوب خان گرفتار
1974 کے قتل کیس میں 80 سالہ ملزم کوسزائے عمر قید
آر سی پی سنگھ، بہار میں نئی سیاسی جماعت کا آغاز کریں گے (ویڈیو)
دُہری شہریت کی بنیاد پر مکھیا بننے والی صبا پروین، عہدہ سے فارغ
بہار ضمنی اسمبلی الیکشن، آر جے ڈی کے 3 امیدواروں کا اعلان

پولیس ذرائع نے جمعرات کو یہاں بتایا کہ نگلہ محلہ کا رہائشی ہوٹل مالک سنتوش پرساد (45) بدھ کی رات ریلوے کراسنگ کے قریب اپنے ہوٹل میں کام کر رہا تھا۔

اس دوران موٹر سائیکل پر سوار دو مجرم وہاں پہنچے۔

اس کے بعد مجرموں نے سنتوش پرساد کو گولی مار کر زخمی کر دیا۔

زخمی ہوٹل مالک کو علاج کے لیے اسپتال لے جایا جا رہا تھا، لیکن راستے میں ہی اس کی موت ہو گئی۔

ذرائع نے بتایا کہ واقعہ کی اطلاع ملتے ہی پولیس موقع پر پہنچی اور معاملے کی جانچ شروع کردی۔ موقع سے دو کارتوس برآمد ہوئے ہیں۔

متوفی سنتوش پرساد مجرمانہ نوعیت کا تھا۔ سی سی ٹی وی فوٹیج کی بنیاد پر واقعے میں ملوث مجرموں کی شناخت کی کوشش کی جارہی ہے۔

لاش کو پوسٹ مارٹم کے لیے نالندہ میڈیکل کالج اسپتال (این ایم سی ایچ) بھیج دیا گیا ہے۔