حیدرآباد: گھریلو جھگڑوں کے باعث ذہنی تناؤ میں ایک شخص کی خودکشی
پولیس اور اس کے رشتہ داروں کے مطابق، 26 سالہ نرسمہا شاہ میر پیٹ کا رہنے والا تھا اور پیشہ سے ڈرائیور تھا۔ آٹھ ماہ قبل اس کی شادی امیرپیٹ، حیدرآباد کی پوجا نامی خاتون سے ہوئی تھی، جو اس وقت حاملہ ہے۔
حیدرآباد: تلنگانہ کے میڑچل ضلع کے شاہ میر پیٹ پولیس اسٹیشن کے حدود میں ایک نوجوان نے گھریلو جھگڑے کی وجہ سے خودکشی کرلی۔
پولیس اور اس کے رشتہ داروں کے مطابق، 26 سالہ نرسمہا شاہ میر پیٹ کا رہنے والا تھا اور پیشہ سے ڈرائیور تھا۔ آٹھ ماہ قبل اس کی شادی امیرپیٹ، حیدرآباد کی پوجا نامی خاتون سے ہوئی تھی، جو اس وقت حاملہ ہے۔
کام کے سلسلہ میں نرسمہا اتر پردیش گیا ہوا تھا جبکہ اس دوران اس کی بیوی پوجا اپنی ماں کے گھر امیرپیٹ چلی گئی۔ جب نرسمہا واپس گھر آیا تو اس نے فون پر بیوی سے گھر آنے کی درخواست کی لیکن اس نے انکار کر دیا۔
اس بات سے دلبرداشتہ ہو کر نرسمہا نے اپنے گھر میں پھانسی لے کر خودکشی کرلی۔
مقامی افراد کی اطلاع پر پولیس موقع پر پہنچی اور ابتدائی تحقیقات میں یہ بات سامنے آئی کہ نرسمہا نے گھریلو جھگڑوں کے باعث ذہنی تناؤ میں آکر یہ قدم اٹھایا۔ پولیس نے اس سلسلے میں مقدمہ درج کر لیا ہے اور مزید تفتیش جاری ہے۔
