حیدرآباد: رامنتاپور میں کرنٹ حادثہ، کے ٹی آر کا اظہارِ افسوس

حیدرآباد : بی آر ایس کے کارگزار صدر کے ٹی راما راؤ نے رامنتاپور میں جنم اشٹمی تقاریب کے دوران پانچ افراد کے کرنٹ لگنے سے ہلاک ہونے کے واقعہ پر گہرے افسوس کا اظہار کیا۔

انہوں نے مرنے والوں کرشنا یادو، سری کانت ریڈی، سریش یادو، رودرا وکاس اور راجندر ریڈی کی موت کو افسوسناک قرار دیتے ہوئے حکومت سے اپیل کی کہ متاثرہ خاندانوں کو فوری امداد فراہم کی جائے۔

کے ٹی آر نے زخمی چار افراد کی جلد صحتیابی کی بھی نیک تمناوں کااظہارکیا اور حکام سے مطالبہ کیا کہ انہیں بہتر طبی سہولتیں فراہم کی جائیں اور آئندہ ایسے المناک واقعات سے بچنے کے لئے مؤثر احتیاطی اقدامات کیے جائیں۔