حیدرآباد : بین المذاہب جوڑے کو ہراساں کرنے والا شخص گرفتار
ذرائع کے مطابق مذکورہ شخص، جو اس وقت بےروزگار ہے، ماضی میں شہر کے ایک گارمنٹس اسٹور میں کام کر چکا ہے۔ چند دن پہلے وہ نیکلس روڈ پر گیا جہاں اس نے ایک خاتون کو دوسرے مذہب سے تعلق رکھنے والے شخص کے ساتھ دیکھا، جس پر اس نے جوڑے کو ہراساں کیا اور گالیاں دیں۔
حیدرآباد: حیدرآباد کی سیف آباد پولیس نے ایک شخص کو گرفتار کیا ہے جس پر چند دن قبل نیکلس روڈ پر ایک بین المذاہب جوڑے کو ہراساں کرنے کا الزام ہے۔
ذرائع کے مطابق مذکورہ شخص، جو اس وقت بےروزگار ہے، ماضی میں شہر کے ایک گارمنٹس اسٹور میں کام کر چکا ہے۔ چند دن پہلے وہ نیکلس روڈ پر گیا جہاں اس نے ایک خاتون کو دوسرے مذہب سے تعلق رکھنے والے شخص کے ساتھ دیکھا، جس پر اس نے جوڑے کو ہراساں کیا اور گالیاں دیں۔
اس شخص نے جوڑے کی ویڈیو بھی ریکارڈ کی اور اسے سوشل میڈیا پر وائرل کر دیا۔ ویڈیو پولیس تک پہنچنے کے بعد ایک مقدمہ درج کیا گیا اور ملزم کو گرفتار کر لیا گیا۔
تحقیقات کے دوران ملزم نے اعتراف کیا کہ اس نے نیکلس روڈ پر جوڑے کی ویڈیو بنا کر ایک ایسے شخص کو بھیجی جو انسٹاگرام پر ایک اکاؤنٹ چلاتا ہے، اور اسی اکاؤنٹ پر ویڈیو اپ لوڈ کی گئی۔
پولیس کو معلوم ہوا ہے کہ اس انسٹاگرام اکاؤنٹ پر اس نوعیت کی کئی ویڈیوز اپلوڈ کی گئی ہیں۔
