حیدرآباد: پلاسٹک کے گودام میں بڑے پیمانہ پرآگ لگ گئی

حیدرآباد: شہرحیدرآباد کے بالاپور،شاہین نگرمیں آگ لگنے کا واقعہ پیش آیا۔

مقامی افراد کے مطابق پلاسٹک گودام میں کل شب یہ آگ لگی۔

آگ کے ساتھ کثیف دھواں بھی تھا۔مقامی افراد نے فوری طورپرچوکسی کامظاہرہ کرتے ہوئے فائربریگیڈ کو فون کیا جس کے بعد دو فائربریگیڈس کے عملہ نے وہاں پہنچ کرآگ پرکافی جدوجہد کے بعد قابو پایا۔

اس واقعہ میں کسی کے جھلسنے یا کسی کی موت کی اطلاع نہیں ملی ہے، عہدیدار آگ لگنے کی وجوہات معلوم کرنے کی کوشش کررہے ہیں۔عمارت میں پلاسٹک کاسامان ہونے کی وجہ سے آگ تیزی کے ساتھ پھیلتی گئی۔