حیدرآباد: بلدیہ کی قدیم عمارت اچانک گرپڑی،درزیوں کی دکانات منہدم

حیدرآباد: سکندرآباد میں بلدیہ کی قدیم عمارت کل شب اچانک گرپڑی۔یہ قدیم عمارت مونڈامارکٹ کے پیچھے تھی۔

اس عمارت میں درزیوں کی کئی دکانات تھیں جو کئی برسوں سے کرایہ سے مقیم تھے۔اس واقعہ میں دکانات میں رکھی سلائی مشینوں اوردیگر سامان کونقصان پہنچا۔

اس واقعہ کی اطلاع پرسابق وزیرو بی آرایس لیڈرٹی سرینواس یادو نے وہاں پہنچ کر دکانات کے کرایہ داروں سے ملاقات کی۔

انہوں نے اس موقع پر کہا کہ متاثرہ خاندانوں کی مدد کی جانی چاہیے۔انہوں نے اعلان کیا کہ وہ ذاتی طور پر ہر متاثرہ خاندان کو 20 ہزار روپے کی مالی امداد فراہم کریں گے۔