حیدرآباد: صدر TMREIS محمد فہیم قریشی نے ہُدا اسلامک بک فیئر 2025 کا دورہ کیا

حیدرآباد: تلنگانہ مائناریٹیز ریزیڈنشیل ایجوکیشنل انسٹی ٹیوشنز سوسائٹی (TMREIS) کے صدر و وائس چیئرمین محمد فہیم قریشی نے جمعہ کے روز حیدرآباد کے پرانی حویلی روڈ پر، سٹی سول کورٹ کے قریب واقع ہُدا پریمسز میں جاری ہُدا اسلامک بک فئیر 2025 کا دورہ کیا۔

یہ کتب میلہ یکم اکتوبر سے شروع ہو کر 5 اکتوبر تک جاری رہے گا، جس میں پورے ہندوستان کے معروف پبلشرز کی اسلامی کتابیں اور اشاعتیں نمائش کے لیے رکھی گئی ہیں۔

مہمانِ خصوصی کا استقبال کرتے ہوئے ہُدا بُک ڈسٹری بیوٹرز کے منیجنگ ڈائریکٹر سید عبدالباسط شکیل نے انہیں شال پہنائی اور مبارکباد پیش کی۔

اس موقع پر محمد فہیم قریشی نے نوجوانوں پر زور دیا کہ وہ اس موقع سے بھرپور فائدہ اُٹھائیں، اسلامی کتابیں خریدیں، سوشل میڈیا سے اجتناب کریں، علم میں اضافہ کریں اور ایک اچھے شہری بنیں۔ انہوں نے کہا،

"کتابیں روزمرہ زندگی کی بہترین ساتھی ہیں اور علم کی دولت انسان کی سب سے بڑی سرمایہ ہے۔”

یہ میلہ علم اور تعلیم کے فروغ کے لیے ایک اہم پلیٹ فارم کے طور پر پیش کیا گیا ہے، جہاں طلبہ اور نوجوانوں کو علمی اور فکری مواد سے مستفید ہونے کا موقع مل رہا ہے۔