حیدرآباد: دو افراد نقلی مہندی تیار کرنے کے الزام میں گرفتار

حیدرآباد: حیدرآباد کے ٹپہ چبوترہ پولیس اسٹیشن کے حدود میں دو افراد کو نقلی مہندی تیار کرنے کے الزام میں گرفتار کر لیا گیا۔

تفصیلات کے مطابق پولیس کو ایک اطلاع ملی کہ کاروان کے نٹراج نگر میں خفیہ طور پر نقلی کراچی مہندی تیار کی جا رہی ہے۔

اس اطلاع پر سنٹرل زون ٹاسک فورس اور ٹپہ چبوترا پولیس نے مشترکہ کارروائی کرتے ہوئے ایک مکان پر چھاپہ مارا۔

کارروائی کے دوران دو افراد کو گرفتار کر لیا گیا جو نقلی مہندی تیار کر رہے تھے۔ پولیس نے بتایا کہ رمضان کے موقع پر یہ نقلی مہندی بازار میں فروخت کے لئے تیار کی جا رہی تھی۔

چھاپے کے دوران تقریباً 5 لاکھ روپے مالیت کی نقلی مہندی ضبط کر لی گئی۔ پولیس نے ملزمین کے خلاف مقدمہ درج کر کے مزید جانچ شروع کر دی ہیں۔