حیدرآباد:500روپئے میں گیس سلنڈر،کے وائی سی اپ ڈیٹ کرنے ایل پی جی سنٹرس پر خواتین کی قطاریں

حیدرآباد: حیدرآباد میں ایل پی جی سنٹرس پر خواتین کی بڑی تعداد دیکھی جارہی ہے جو کانگریس حکومت کی جانب سے 500روپئے میں گیس سلنڈرس کی فراہمی کے وعدہ کے بعد اپنا کے وائی سی اپ ڈیٹ کروانے کیلئے گیس ایجنسیز پہنچ رہی ہیں۔

کانگریس نے جو 6 ضمانتوں کا تلنگانہ کے عوام سے وعدہ کیاتھا، ان میں گھریلوپکوان گیس سلنڈر کی 500روپئے میں فراہمی بھی شامل ہے تاہم اس کے لئے گھریلوپکوان گیس صارفین کو ایجنسیز کے پاس کے وائی سی اپ ڈیٹ کروانا ہوگا۔

پرانا شہرکے ساتھ ساتھ مشیرآباد، ٹولی چوکی، الوال اور صنعت نگر کے بشمول کئی علاقوں میں خواتین گیس ایجنسیوں کے سامنے قطاروں میں نظر آرہی ہیں۔

کے وائی سی کو اپ ڈیٹ کرنے کیلئے 31دسمبر آخری تاریخ دی گئی ہے۔ کانگریس حکومت کا کہنا ہے کہ وہ اگلے 100 دنوں میں دی گئی 6ضمانتوں پر عمل کو یقینی بنائے گی۔