مجھ پر جو پتھر پھینکیں گے ان سے گھر بناؤں گی‘: گورنر

حیدرآباد: گورنر تلنگانہ ڈاکٹر تمیلی سائی سوندرا راجن نے بی آر ایس حکومت اور راج بھون کے درمیان تلخ تعلقات میں ایک اور باب کا اضافہ کردیا۔

کل، راج بھون میں بی آر ایس حکومت کا تذکرہ کرتے ہوئے گورنر نے کہاکہ اگر عوام ان پر پتھر پھینکیں گے تو وہ ان پتھروں سے ایک گھر بناؤں گی۔

مجھے میری توہین کی کوئی پرواہ نہیں ہے۔ وہ بدستور عوام کیلئے کام کرتی رہیں گی۔ خواتین تحفظات بل جس سے پارلیمنٹ اور ریاستی اسمبلیوں میں خواتین کو 33 فیصد ریزرویشن کی فراہمی کی راہ ہموار ہوچکی ہے، کی منظوری پر صدرجمہوریہ دروپدی مرمو اور وزیر اعظم مودی سے اظہار تشکر کیلئے ہفتہ کے روز راج بھون میں گورنر نے ایک تقریب کا اہتمام کیا تھا۔

گورنر نے کے سی آر حکومت کا مذاق اڑاتے ہوئے کہاکہ جب وہ تلنگانہ کی گورنر بنی تھیں تب ریاست میں ایک بھی خاتون وزیر نہیں تھی۔ گورنر ککا عہدہ سنبھالنے کے بعد ریاستی کابینہ میں 33 خواتین کو شامل کیا گیا۔

عوام ہی ہیں جو مجھ پر پھول بھی برساتے ہیں اور پتھر بھی پھینکتے ہیں اور جو لوگ مجھ پر  پتھر پھینکتے ہیں ان ہی پتھروں سے وہ گھر بنائیں گی۔

جو لوگ سوئیوں (پنس) سے مجھے چوبھتے رہیں گے، ان سوئیوں کے چوبھینے سے جو خون بہے گا اُس خون سے وہ تاریخ کی کتاب تحریر کریں گی۔ اُنہوں نے مزید کہاکہ ہر کوئی ایک خواب لیکرسیاست میں آتا ہے۔

وہ طبی پیشہ کو خیرآباد کہتے ہوئے غریبوں کی مدد کیلئے ریاست میں آئی ہیں مگر سیاست میں مردوں کا غلبہ بہت زیادہ ہے۔