میں مودی کو اقتدار سے ہٹنانے تک مرنے والا نہیں: کھرگے

جسروٹہ(جموں): کانگریس صدر ملکارجن کھرگے نے جموں و کشمیر کے ریاستی درجہ کی بحالی کے لئے لڑائی لڑنے کا عہد کیا۔

انہوں نے کہا کہ وہ وزیراعظم نریندر مودی کو اقتدار سے بے دخل کرنے تک سیاست میں سرگرم رہیں گے۔

انہوں نے کہا کہ میں 83سال کا ہوں، جلدی مرنے والا نہیں۔ میں مودی کے اقتدار سے ہٹنے تک زندہ رہوں گا۔

قبل ازیں طبیعت بگڑنے پر کھرگے کو طبی امداد فراہم کی گئی۔ طبیعت سنبھلنے کے بعد انہوں نے جلسہ عام سے خطاب کیا۔