شاہین آفریدی اور حارث رؤف نے بدترین ریکارڈ اپنے نام کرلیا

بنگلورو: پاکستانی ٹیم کے فاسٹ بولر شاہین شاہ آفریدی اور حارث رؤف نے ورلڈکپ تاریخ میں پاکستان کے مہنگے ترین بولر بن گئے۔ بنگلورو کے ایم چنا سوامی اسٹیڈیم میں کھیلے جارہے میچ میں پاکستان کے فاسٹ بولرس شاہین شاہ آفریدی اور حارث رؤف نے پاکستان کیلئے ورلڈکپ تاریخ میں مہنگے ترین بولر بن گئے۔

شاہین شاہ آفریدی نے اپنے 10 اوورز میں 90 جبکہ حارث روف نے 10 اوورز میں 85 رنز دیئے، دونوں بالرز کو مجموعی طور پر 21 چوکے اور 4 چھکے لگے۔ اس سے قبل حسن علی نے 2019 میں انڈیا کے خلاف 9 اوورز میں 84 رنز دیے تھے۔

واضح رہے کہ اس وقت پاکستان اور نیوزی لینڈ کے درمیان میچ ہندوستان کے شہر بنگلورو میں جاری ہے جہاں کیویز نے ورلڈکپ تاریخ کا سب سے بڑا اسکور کرتے ہوئے مقررہ 50 اوورز میں 401 رنز بنائے۔