حیدرآباد کے بالاپور میں پولیس نے تلاشی مہم چلائی۔بائیکس ضبط

حیدرآباد: شہرحیدرآباد کے بالاپورمیں پولیس نے تلاشی مہم چلائی۔ بالاپورپولیس اسٹیشن کے حدود کے شاہین نگر اوردیگرعلاقوں میں مہیشورم ڈی سی پی سنیتاریڈی کی نگرانی میں یہ مہم چلائی گئی۔

پولیس نے اس مہم کے دوران نامناسب نمبرپلیٹس والی گاڑیوں کو ضبط کیا۔پولیس نے نابالغ لڑکوں کے اور بغیر ہیلمٹ گاڑیاں چلانے کا پتہ چلایا۔کمشنرپولیس رچہ کنڈہ سدھیربابو کی ہدایت پر یہ مہم چلائی گئی۔

مہم کے دوران مسروقہ گاڑیوں کا استعمال کرنے والوں،نامناسب دستاویزات کے بغیر چلائی جانے والی گاڑیوں کا پتہ چلایاگیا۔

پولیس نے عوام سے درخواست کی کہ وہ اپنی گاڑیوں کے دستاویزات اپنے ساتھ رکھیں۔ساتھ ہی مشتبہ افرادکی اطلاع پولیس کو دینے کی بھی درخواست کی گئی۔پولیس نے دس بائیکس کو ضبط کیا۔