ہندوستان میں سعودی طیارہ کو ایمرجنسی لینڈنگ کی اجازت نہیں ملی، کراچی میں ہنگامی لینڈنگ
طیارے کے لینڈ کرتے ہی ڈاکٹرز فوری طور پر پہنچ گئے جنہوں نے طیارے میں سوار مسافر کا معائنہ کیا اور اسے طبی امداد فراہم کی جس کے بعد پرواز کراچی سے ریاض روانہ ہوگئی۔
کراچی: بنگلہ دیشی دارالحکومت ڈھاکہ سے سعودی شہر ریاض جارہی سعودی ایئر لائنز کی پرواز نے کراچی میں ہنگامی لینڈنگ کی۔’ڈان نیوز‘ کے مطابق ہنگامی لینڈنگ کے دوران طیارے میں موجود ایک مسافر کی طبعیت بگڑ گئی جسے کراچی ایئرپورٹ پر طبی امداد بھی فراہم کی گئی۔
سعودی ایئرلائن کی پرواز ایس وی 805 رات 3 بج کر 57 منٹ پرڈھاکہ سے ریاض کے لیے روانہ ہوئی، طیارہ ابھی ہندوستانی فضائی حدود میں تھا کہ ایک مسافر کی طبیعت خراب ہوگئی جس پر پائلٹ نے طیارے کا رخ ممبئی کی جانب موڑ دیا، تاہم ایئر ٹریفک کنٹرولر کی ہدایت پر طیارے کا رخ کراچی کی طرف کر دیا گیا۔
کراچی کے جناح انٹرنیشنل ایئر پورٹ پر پرواز نے صبح ساڑھے 7 بجے ایمرجنسی لینڈنگ لینڈ کی، کراچی ایئر پورٹ پر سیول ایوی ایشن کی میڈیکل ٹیم نے ہنگامی اقدامات کیے۔
طیارے کے لینڈ کرتے ہی ڈاکٹرز فوری طور پر پہنچ گئے جنہوں نے طیارے میں سوار مسافر کا معائنہ کیا اور اسے طبی امداد فراہم کی جس کے بعد پرواز کراچی سے ریاض روانہ ہوگئی۔
