کرناٹک میں 700 مسلم لڑکیوں کو کلاسس میں داخل ہونے کی اجازت نہیں ملی

بنگلورو: پیپلز یونین فار سول لبرٹیز (پی یو سی ایل) کی ایک رپورٹ میں کہا گیا ہے کہ کرناٹک میں حجاب نکالنے سے انکار پر کم ازکم 700 مسلم لڑکیوں کو کلاس روم میں داخل ہونے کی اجازت دینے سے انکار کردیا گیا یا ان کے اداروں نے انہیں معطل کردیا۔

حجاب پر پابندی کیس میں سپریم کورٹ کے منقسم فیصلہ کے بعد یہ رپورٹ سامنے آئی ہے۔ اس رپورٹ میں ان واقعات سے متاثرہ طالبات کی ذہنی صحت کی برقراری کیلئے فوری پروگرام شروع کرنے کی سفارش کی گئی ہے۔

 اعداد و شمار سے اس بات کی توثیق ہوتی ہے کہ (تعلیمی میعاد کے اواخرکے دوران بی جے پی حکومت کے احکام کو روبہ عمل لانے کے نتیجہ میں کرناٹک کی تعلیمی اداروں سے مسلم لڑکیوں کو اخراج عمل میں آیا۔